Толқын Tolqyn.kz ақпараттық агенттігі
» » Нұр-Сұлтан vs Нұрсұлтан: Бас қаланың атауы тағы өзгере ме

Нұр-Сұлтан vs Нұрсұлтан: Бас қаланың атауы тағы өзгере ме

Нұр-Сұлтан әкімдігі қала атауының тағы да өзгеруіне қатысты пікір білдіріп, желіде тараған ақпараттың жалған екенін айтты, деп хабарлайды Stan.kz тілшісі. 

Әлеуметтік желіде «Нұр-Сұлтан қаласы атауының тағы да өзгеретіні» туралы ақпарат қызу талқыға түсті. Бірі бұл өзгеріске бей-жай қарайтынын жеткізсе, енді екіншілері түбегейлі қарсы екенін айтуда. Кейінгілердің қатарында саясаткер Мұхтар Тайжан да бар. 
«Нұр-Сұлтанды Нұрсұлтанға ауыстыруға қарсымын. Тағы бекерден бекер ақша шашудың қажеті жоқ. Бәрібір бұл атау уақытша ғана деп білемін», - деп жазды ол. 
Әлеуметтік желі қолданушылары өз кезегінде бұл пікірді қоштай түсті. Дені қарсы екенін жеткізді. Арасында жаңалықтың жалған екенін айтқандар да болды. 
Желіде таралған ақпаратқа қатысты Нұр-Сұлтан қаласы әкімдігінің баспасөз хатшысы пікір білдіріп, жаңалықтың шындыққа жанаспайтынын айтты. 
«Иә, мұндай ақпараттың таралып жатқанын білеміз. Бірақ бұл жалған ақпарат», - деді әкімдік қызметкері Ақмарал Әкімжанова. 
Сондай-ақ, желі қолданушылары мұның босқа шығындалу екенін айтты. 

https://stan.kz/nyr-syltan-vs-nyrsyltan-bas-kalanin-ataui-tagi-ozgere-me-321842/
12 қыркүйек 2019 ж. 682 0