Көптеген жандар масаға қарсы спрейлердің мүлдем тиімсіз екендігіне және оларды қолдану нәтижесінде бастары ауыратындығына шағымданып жатады.

Осыған байланысты, мамандар масадан қорғайтын бөлме өсімдіктерінің рейтингін жасап шықты. Reactor.inform.kz Сегодня-ға сілтеме жасай отырып, осы өсімдіктерге туралы мәлімдейді.

Жазғы маусымда мамандар үйде жалбыз (мята) өсіруге кеңес береді. Себебі, жалбыз адамның денсаулығына пайдалы әрі ол масадан жақсы қорғайды. Ағаш тұқымдас лаванда гүлінің хош иісін масалар аса жақтыра бермейді, сондықтан жазғы мезгілде әрдайым бір шоқ балғын лаванда гүлін сатып алып тұрған дұрыс.

Сонымен қатар насыбайгүл (базилик) де денедегі маса шаққан жерлердің қабынуын бәсеңдетеді. Масалар гүлшетен (розмарин) секілді татымды иісті өсімдіктерге көп жолай бермейді. Сондықтан, мамандар гүлшетенді үйде өсіруге кеңес береді. Масалардан қорғайтын өсімдіктердің көшбасында дәрілік жаужапырақ (мелисса лекарственная) тұр, себебі масалар бұл өсімдіктің маңына мүлдем жоламайтын көрінеді.
​reactor.inform.kz​​​