Толқын Арал аудандық қоғамдық-саяси газет
» » 8 жасар бала суға батып бара жатқан қызды құтқарып қалды

8 жасар бала суға батып бара жатқан қызды құтқарып қалды

Суға батып бара жатқан 14 жастағы қызды 8 жасар бала құтқарып қалды.


Дмитрий Прокопец небәрі 8 жаста. Ол суға батып бара жатқан қызды көріп, қорықпастан үлкендерді шақырып үлгерген, деп хабарлайды 31 арна.
«Бастапқыда ол жай әзілдеп тұр екен деп ойладым. Сосын оның батып бара жатқанын түсіндім. Өліп қалды ма деп ойладым. Анама барып, қыздың суға батып бара жатқанын айттым. Анам құтқарушыға айтты. Ол кісі суға секіріп түсіп, қызды алып шықты», – дейді Дмитрий.
Баланың айтуынша, бассейн жанында ересектерден ешкім болмаған. Демалыс аймағының қызметкерлері де бой көрсетпепті. Дмитрийдің өзі бірнеше айдан беру суға жүзіп жүр. Сондықтан адамның суға батып бара жатқанын ажырата алады.
«Ол жуас, мейірімді бала. Оның сасқалақтамай әрекет етіп, біреуді аман алып қалғанына қуандым. Келе сала «Менің батырым қайда?» дедім», – дейді әжесі Надежда Михеева.
Бұл бала болмаса, қыздың өмірі қалай болары белгісіз. Ересектедің немқұайлығынан әдетте балалар осылай зардап шегіп жатады.
Stan.kz
07 тамыз 2018 ж. 558 0