Қызылордада өзенге түсіп кеткен адам іздестіріліп жатыр
Қызылорда облысы Төтенше жағдайлар департаментінің мәліметінше, оқиға «Рисмаш» аумағында түнгі сағат 03:54 шамасында болған.Хабарламада Сырдарияға Daewoo Nexia маркалы автокөлік түсіп кеткені айтылған.
Көліктің ішінде екі адам болған. Біреуі – 1994 жылғы ер адам, өз күшімен жағаға шыққан. Сол жастағы тағы бір азамат көліктің ішінде қалып қойған. Оқиға орнына жедел-құтқару жасағынан 1 техникамен 5 адам барды, – деді департаменті өкілі.
Құтқарушылар сағат 04:20-да суға батқан көлікті іздестіруді бастады.
baq.kz
