Толқын Арал аудандық қоғамдық-саяси газет
» » Қылмыстық теріс қылығы үшін айыппұлға жазаланды

Қылмыстық теріс қылығы үшін айыппұлға жазаланды

Арал аудандық сотында Қазақстан Республикасының ҚК-нің 346-бабының 1-бөлігімен азамат М-ға қатысты қылмыстық теріс қылық туралы іс қаралды.Сотталушы М. 09.08.2015 жылғы Арал аудандық сотының қаулысымен Қазақстан Республикасы ӘҚБтК-нің 608-бабының 1-бөлігімен көлік құралын басқару құқығынан үш жыл мерзімге айырылған. Алайда ол, осыған қарамай, 9 тамыз 2018 жылы «Mersedes Benz E200» маркалы автокөлігін алкогольдік масаю күйінде басқарып келе жатып, жол-полиция қызметкерлеріне ұсталған.
Сотталушының қылмыстық теріс қылық әрекеті, сотта іс құжаттарымен толық дәлелденген.
Нәтижесінде, сот үкімімен сотталушы М. Қазақстан Республикасының Қылмыстық кодексінің 346-бабының 1-бөлігімен кінәлі деп танылып, көлік басқару құқығынан үш жыл мерзімге айыра отырып, 25 айлық есептік көрсеткіш – 60 125 теңге мөлшерінде айыппұл салынды.
Арал аудандық сотының
баспасөз қызметі.
03 қазан 2018 ж. 745 0