Кәмелетке толмағандардың түнгi уақытта ойын-сауық мекемесінде болуына жол бергені үшін жауаптылық

Арал аудандық сотында ҚР ӘҚБтК-нің 132-бабының 1-бөлігімен азамат Н-ға қатысты әкімшілік құқық бұзушылық туралы іс қаралды.Іс құжаттарына сәйкес, құқық бұзушы Н. кафеде администратор болып жұмыс істеп жүріп, кәмелетке толмағандардың түнгi уақытта заңды өкiлдерiнiң бірге жүруiнсiз ойын-сауық мекемесінде болуына жол берген.
Құқық бұзушының кінәсі, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.
Сот қаулысымен құқық бұзушыға ҚР ӘҚБтК-нің 819-бабының 2-бөлігі басшылыққа алынып, 16 835 теңге көлемінде айыппұл салынды.
Арал аудандық сотының
баспасөз қызметі