Баланы тәрбиелеу жөніндегі міндеттерді орындамағаны үшін айыппұл салынды

Бала тәрбиесі-бұл әрбір ата-ананың міндеті, оның өсіп-жетілуі мен болашағына жауаптылығы. Баланың болашақ тағдыры көптеген жағдайда ата-анасына байланысты. Бала қағылез, жоғары мәдениетті болып ер жетуі үшін ата-ананың өздері өнеге бола білуі тиіс. Бірақ, ата-аналардың барлығы бірдей баланы тәрбиелеу мен өсіп-жетілдіру жөніндегі өз міндеттерін тиісінше орындамай жатады.Арал аудандық сотында кәмелетке толмаған балаларын тәрбиелеу жөніндегі міндеттерін орындамаған азаматша Б-ға қатысты әкімшілік құқық бұзушылық туралы іс қаралды.
Сотта анықталғандай, балалардың анасы-заңды өкілі кәмелетке толмаған балаларын ұзақ уақытқа өзінің қарауынсыз қалдырып, балаларын тәрбиелеу жөніндегі міндеттерді дәлелді себептерсіз орындамаған.
Құқық бұзушының кінәсі, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.
Сот қаулысымен құқық бұзушыға ҚР ӘҚБтК-нің 819 бабының 2 бөлігі басшылыққа алынып, 11 785 теңге көлемінде айыппұл салынды.

Арал аудандық сотының
баспасөз қызметі