«Жұмақтың кілті - ананың табанының астында» деген ұлағатты сөзді естігеннен кейін жер басып жүрген пенденің бәрі аналарына бас иіп, тағзым етіп өтуі тиіс. Десек те, арамызда өз анасын құрметтеу былай тұрсын, оған балағат сөздер айтып, қол көтеретіндер де бар екен.

Арал аудандық сотында қаралған ҚР ӘҚБтК-нің 73-2-бабының 1 бөлігінде көзделген әкімшілік құқық бұзушылықты жасаған азамат Н. алкогольдік ішімдік ішкен мас күйінде үйіне келіп, анасы Ж-ға неше-түрлі балағат сөздер айтып, желкесінен бірнеше рет ұрып-соғып, тән ауруына ұшыратқан.

Сот қаулысымен ол осы жасаған құқық бұзушылығы үшін кінәлі деп танылып, 10 (он) тәулікке әкімшілік қамаққа алынды.