Кәмелетке толмаған жасөспірімнің анасы жауапкершілікке тартылды

Арал аудандық сотында азаматша К-ға қатысты әкімшілік іс қаралды.Іс құжаттарына сәйкес, құқық бұзушы К-ның кәмелетке толмаған баласы заңды өкілінің ертіп жүруінсіз түнгі сағат 23.00-ден кейін тұрғын жайдан тыс жерде жүрген, яғни құқық бұзушылықты әкімшілік жаза қолданылғаннан кейін бір жыл ішінде қайталап жасаған.
Сотта құқық бұзушы К. кінәсін толық мойындап, шын жүректен өкініп, қазіргі уақытта жұмыссыз екенін, алдағы уақытта бұндай әрекеттерге жол бермейтінін айтып, соттан айыппұл мөлшерін азайтуды сұраған.
Сот қаулысымен құқық бұзушыға Қазақстан Республикасы ӘҚБтК-нің 819- бабының 2-бөлігі басшылыққа алынып, 11 785 теңге көлемінде айыппұл салынды.

Арал аудандық сотының
баспасөз қызметі.