Халық емі әркімге қол жетімді және тиімді. Ең ұнаған нұсқаңызды таңдап алыңыз
Өмірдің әр сәтінен ләззат алып, уақытты ұтымды пайдаланыңыз және АУЫРМАҢЫЗ!- 300 грамм балды 50 грамм блендер арқылы үгітілген грек жаңғағымен араластыру қажет. Одан кейін 3 лимоннан алынған сығындыны және 100 мл алоэ сығындысын қосуыңыз. Шипалы қоспаны тамақтанар алдында күніне үш рет қабылдаған орынды. Бір қабылдағанда пайдаланатын мөлшер — 1 шай қасық болуы тиіс.
- 100 грамм інжірге 2 кесе ыстық су құйып, қайнағаннан кейін 15 минуттай баяу оттың астында ұстаңыз. Суығаннан кейін 2 сағаттың ішінде тұнбаны сүзіп, тамақтанар алдында 100 мл мөлшерде ішкен дұрыс (күніне 3 рет).
- Мүкжидек шайы ағзаны құнарлы дәрумендермен байытып, иммундық жүйені жақсартады. 1 ас қасық балғын мүкжидекті үккіштен өткізіп, қант ұнтағын сеуіп, 200 мл қайнаған су немесе шығымы шыққан қара шай құю қажет. Мүкжидек қосылған шай шөлді басып, шаршаңқылықты бәсеңдетіп, көңіл-күйді көтереді.
- Қарақат жапырақтары қосылған шай — бағалы сусын. 2 шөкім балғын қарақат жапырақтарын алып, 1 л. қайнаған ыстық су құйыңыз және 3 минут шығымын шығарыңыз. Сосын кеселерге құйып, дәмін келтіру үшін кішкене мөлшерде қант немесе бал қосыңыз. Мұндай шипалы шайдың бір кесесі сіздің шаршағаныңызды басып, ағзаңызды тазартып, сергектік сезімін береді.
- Орман жаңғағынан дайындалған шипалы сүт. 100 грамм орман жаңғағын құрғақ табада қуырып, ұнтақ болғанға дейін ұсақтау керек. Жаңғақтардың үстіне 0,5 л. қайнаған сүт құйып, кішкене суытып, 2 ас қасық табиғи бал және бір шөкім ваниль қосу қажет. Тұнған соң 15 минуттан кейін араластырып, ұрттап ішкен жөн. Барлығын бірден емес, күні бойы ішу ұсынылады.
- Ұзақ өмір және денсаулық сыйлайтын бадамнан жасалған шырын. 1 ас қасық кептірілген бадамның үстіне 0,5 литр су құйып, 10 минут қайнатыңыз. Суыған соң тұндырып, азғана мөлшерде бал, мысалы 2 ас қасық қосасыз.
- Бал және пияз қосылған шарап . 150 грамм ұсақталып туралған пиязды 100 мл. табиғи балмен араластырып, 1 л. қызыл құрғақ шарап құйыңыз. Шыны ыдыста 2 апта тұндырыңыз және сүзіңіз. Шипалы шарапты күніне 5 ас қасық мөлшерінде ішуге кеңес беріледі.
