Толқын Арал аудандық қоғамдық-саяси газет
» » Барлық 6 саяси партияға парламенттік сайлауға қатысуға рұқсат берілді - ОСК

Барлық 6 саяси партияға парламенттік сайлауға қатысуға рұқсат берілді - ОСК

Орталық сайлау комиссиясы саяси партияларды мәжіліс пен мәслихаттар сайлауына қатыстыру туралы мәселені қарады. Барлық алты саяси партияға Қазақстандағы мәжіліс сайлауына қатысуға рұқсат етілді. Мұндай шешім Орталық сайлау комиссиясының отырысында қабылданды.
Отырыста сондай-ақ, мәслихаттар депутаттарын сайлауға қатыстыру мәселесі қаралды. Оларға да алты партияның барлығы қатыса алады. Тек "Бірлік" саяси партиясы Шымкент қаласы мен Түркістан облысы мәслихаттарының сайлауына қатыспайды. Себебі партияның филиалдары Оңтүстік Қазақстан облысы қайта ұйымдастырылғаннан кейін тіркеуден өтпеген. 
Естеріңізге сала кетейік, Қазақстанда парламент мәжілісі мен мәслихаттарға сайлау 2021 жылдың 10 қаңтарында өтеді.
05 қараша 2020 ж. 350 0