Саяси дода серпіліс бермек

Бүгін Мемлекет басшысы Қасым-Жомарт Тоқаев Қазақстан Респуликасы Парламенті Мәжілісі және мәслихат депутаттары сайлауын тағайындау туралы Үндеу жасады. Алдағы саяси дода  2021 жылдың 10 қаңтарында өтеді. Барлық саяси партиялардың бұл сайлау науқанына қатысуға дайындалуына, сайлау алдындағы платформасын әзірлеуіне, партиялық инфрақұрылымдарды жетілдіруіне уақыты жеткілікті болғанын айтқан Президент  «жаңа сайлау науқанына дейін саяси жаңғыру, көппартиялықты дамыту және еліміздің қоғамдық-саяси өміріне азаматтардың қатысу аясын кеңейту жөнінде шаралар қабылданды» деді.
Иә, алдағы науқан еліміздің саяси өміріне үлкен серпіліс әкелетіні сөзсіз. Еліміз тәуелсіздік алған жылдар ішінде бірнеше мәрте Парламент Мәжілісі және мәслихат депутаттарын сайлады. Халқымыз осы жолы да елімізді жан-жақты жаңғырту, өркендету бағытындағы жаңа тарихи миссияны лайықты атқарып шығады деп есептеймін.
Г.Тілектесова,
жас маман