6 әкім қызметінен кетті, оның төртеуі аудан әкімі
Бірден 6 әкім қызметін босатты. Өңірде төрт аудан әкімі, Арқалық пен Лисаков қалаларының әкімшілік басшылары ауыстырылды. Қостанай облысының әкімі Архимед Мұхамбетов бірқатар тағайындау жасады.«Қала мен аудан мәслихаттарының депутаттарымен келісе отырып, өз өкімімен келесі кадрлық өзгерістер енгіздiм. Арқалық қаласының әкімі болып Асанов Әмірхан Біркенұлы, Лисаков қаласының әкімі Ыбраев Абай Сәрсембайұлы тағайындалды. Одан әрі Амангелді ауданының әкімі Карбозов Талғат Тойшыбекұлы, Жітіқара ауданының әкімі Утегенов Нұржан Қайыржанұлы, Қарабалық ауданының әкімі Халықов Руслан Болатұлы, Науырзым ауданының әкімі Әбішев Қайрат Тынымбайұлы болып тағайындалды», – деп хабарлады әкім өзінің Instagram парақшасында.
Ол жаңа әкімдердің алдына өңірлерді одан әрі әлеуметтік-экономикалық дамыту жөнінде бірқатар міндет қойды.
aqmeshit-aptalygy.kz
