Жапония елшісімен кездесті
Сенаттың Экономикалық саясат, инновациялық даму және кәсіпкерлік жөніндегі комитетінің төрағасы Сүйіндік Алдашев Жапонияның Қазақстандағы Төтенше және өкілетті елшісі Ясумаса Ииджимамен кездесті.Кездесу барысында парламенттік көмекпен қоса сауда-экономикалық байланыстар мен инвестициялық ынтымақтастықты нығайту және мәдени-гуманитарлық жобаларды іске асырудағы өзара екіжақты іс-қимылдың негізгі мәселелері қозғалды.
«Жапония – біздің Азиядағы стратегиялық әріптесіміз. Қазақстан мен Жапония арасында дипломатиялық қатынастар орныққан жылдарда өзара мүдделер мен құрметке негізделген берік диалог қалыптасты. Бүгін біз парламентаралық байланыстарды нығайтуға ерекше мән беріп отырмыз, өйткені бұл екіжақты ынтымақтастықты дамытудың маңызды құралы болып саналады», деді сенатор.
Олар екі елдің парламенттеріндегі достық топтарының қызметін жандандыру және делегациялар алмасудың маңыздылығын атап өтті. Сондай-ақ сирек кездесетін металдарды өндіру мен декарбонизация, цифрландыру, ауыл шаруашылығы және көлік логистикасы сияқты салалардағы өзара іс-қимылдың келешегі талқыланды. С.Алдашев «Орталық Азия + Жапония» диалогі аясында ынтымақтастықты кеңейтуге мүдделі екеніне тоқталды.
Сондай-ақ сенатор кездесу соңында Ясумас Ииджимге сындарлы пікір алмасқаны үшін алғыс айтып, парламентаралық өзара іс-қимылдың одан әрі нығаюы Қазақстан мен Жапония арасындағы стратегиялық әріптестікті дамытуға елеулі үлес қосатынына сенім білдірді.
Ақпарат көзі: egemen.kz
Сурет: egemen.kz
