Қаржылық қиындыққа тап болған "Барселона" қақпашысын сатпақ

"Барселона" қақпашысы Марк-Андре тер Штеген "Бавария" сапына ауысуы мүмкін,- деп хабарлайды TodoFichajes басылымы.
 Дереккөздің ақпараты бойынша, мюнхендік клуб қақпашыға қызығушылық білдіріп отыр екен. "Барселона" басшылары болса тер Штегенді қаржылық қиындыққа байланысты сатып жіберуі ықтимал.

Айта кетейік, бұған дейін "Барселона" командасының футболшылары жалақысын қысқартуға келісім бермесе, клуб банкротқа ұшырауы мүмкін деген ақпарат шыққан болатын.
Ал "Бавария" басшылары Марк-Андре тер Штеген Мануэль Нойердің орнын басады деген сенімде. Бұл трансфердің құны 80 миллион еуроға бағаланып отыр.
28 жастағы неміс қақпашысы "Барселона" сапында 2014 жылдан бері өнер көрсетіп келеді. Ол "Боруссия" сапынан ауысып келген. Биыл ол жарақатына байланысты команда сапында әлі ойнамады. Оның каталониялық клубпен 2025 жылдың жазына дейін келісімшарты бар.

alashainasy.kz