Мессиді сатып алмақ
"Манчестер Сити" басышылары "Барселонаның" шабуылшысы Лионель Мессиді сатып алуға қанша ақша кетуі мүмкін екенін есептеп жатыр, деп хабарлайды ESPN.Ағылшындық команда басшылары аргентиналық шабуылшыны сатып алу қиын екенін түсініп отыр. Бірақ, каталониялық клуб футболшыны сатқысы келіп қалатын болса, бірден ұсыныс жасауға дайындалуда.
Қазір команда бұл трансферге қанша ақша кететінін есептеп жатыр екен. Сонымен қатар "МС" басшылары Мессиді ешқандай қаржылық фэйр-плей ережесін бұзбай сатып алудың жолын қарастырып көруде.
33 жастағы шабуылшыны өз қатарына франциялық "Пари Сен-Жермен" командасы да сатып алғысы келеді. Одан бөлек, Мессиге "Ювентус" пен "Интер" де көз тігіп отыр. Ал "Барселона" болса капитанын 700 миллион еуроға сатады. Мұндай ақпарат осы аптаның басында шықты.
Месси Чемпиондар лигасының ширек финалында "Бавария" командасынан 2:8 есебімен жеңілгеннен кейін кеткісі келетінін айтты. Биыл ол өз карьерасында бірінші рет жүлдесіз қалды.
Лионель Месси - "Барселона" тәлімгері. Биыл ол барлық турнирлерде 44 кездесуге қатысып, 31 гол соғып, 26 нәтижелі пас берді. Аргентиналық шабуылшының "Барселонамен" келісімшарты 2021 жылдың жазында аяқталады.
