Жеңіс тұғырында – Аралдықтар
Ағымдағы жылдың 8-11 сәуірі аралығында жекпе-жек ұлттық спорт түрінен Көкшетау қаласында өткен жасөспірімдер мен жастар арасындағы Қазақстан Республикасының чемпионатында №19 Арал ауданының олимпиадалық резервтің мамандандырылған балалар-жасөспірімдер мектебінің спортшылары Сырым Совет пен Айбат Ибраимов жеңіс тұғырынан көрінді. Жерлесіміз Сырым Совет 67 кг салмақ дәрежесінде өнер көрсетсе, Айбат Ибраимов +67 кг салмақ дәрежесінде сынға түсіп, жарыс жеңімпаздары атанды.
Айта кетейік, Сырым Арал қаласындағы №14 мектеп-лицейінің 10-сынып, ал Айбат Алматы қаласының «Шаңырақ» шағын ауданындағы Олимпиада резервінің Республикалық мамандандырылған мектеп-интернат - колледжінің 10-сынып оқушысы.
Ауданымыздың мерейін үстем еткен қос бірдей спортшымыздың жаттықтырушысы – Фараби Сауытбаев.
Арал ауданы әкімдігінің баспасөз қызметі
