Головкин Қазақстанда титулдық жекпе-жек өткізеді: қарсыласы мен күні белгілі болды

Әлем чемпионы Геннадий Головкин (42-2-1, 37 КО) Қазақстанда IBF нұсқасы бойынша міндетті үміткер бразилиялық Эскива Фалькаомен (30-0, 20 КО) жекпе-жек өткізуі мүмкін, - деп хабарлайды Tengri Sport.  

Журналист кіші Вилсон Балдини Twitter-де тараптар жекпе-жекке келіскенін жазды.

"Геннадий Головкин Фалькао Эскивімен жекпе-жек өткізеді. Жекпе-жек Қазақстанда өтеді. Әлем чемпионы командасы @DAZNBoxing-мен хабар тарату туралы келіссөздер жүргізіп жатыр. Жекпе-жек наурызда өтуі керек", - деп жазды Балдини.

Айта кетейік, бұған дейін Головкин келесі жекпе-жекте тек Фалькаомен емес, сонымен қатар, WBA-ның орта салмақтағы тұрақты чемпионы атағын иеленген тағы бір танымал кубалық боксшы Эрисланди Ларамен (29-3-3, 17 КО) кездесуі мүмкін екені белгілі болған еді.

massaget.kz