Толқын Арал аудандық қоғамдық-саяси газет
» » Головкиннің келесі қарсыласы мен жекпе-жектің уақыты белгілі болды

Головкиннің келесі қарсыласы мен жекпе-жектің уақыты белгілі болды

Геннадий Головкин келесі жекпе-жегін Брэндон Адамсқа қарсы өткізеді. Қазақстандық боксшы Геннадий Головкин осы жылдың 8 маусымында рингке оралады, деп жазды Worldboxingnews.net халықаралық спорт басылымы.  

Расталмаған мәлімет бойынша, GGG-дің қарсыласы The Contender ("Үміткер") жобасының жеңімпазы 29 жастағы америкалық Брэндон Адамс болады.Қазір тараптар бокс кездесуінің орнын таңдау жөнінде келіссөздер жүргізіп жатыр. Головкиннің көптен күткен жекпе-жегі Нью-Йоркте өтуі мүмкін. Сондай-ақ дереккөздер боксшылар Сан-Антонио, Лас-Вегас және Лос-Анджелес қалаларының бірінде кездесуі ықтимал екенін жоққа шығармайды.

Алдағы кездесу Геннадий Головкин үшін DAZN стримингтік сервисімен үшжылдық келісімшарт аясындағы алты жекпе-жектің алғашқысы болмақ.

Қыркүйекте Головкиннің орта салмақтағы WBC, WBA (Super) чемпионы Сауль "Канело" Альвареспен үшінші кездесуі жоспарланып отыр.
Геннадий Головкин DAZN телеплатформасымен осы жылдың наурыз айының басында келісімшарт жасады.
sputniknews.kz
31 наурыз 2019 ж. 590 0