Толқын Tolqyn.kz ақпараттық агенттігі
» » Аралдық боксшы қыз ел чемпионатының жеңімпазы атанды

Аралдық боксшы қыз ел чемпионатының жеңімпазы атанды

Ағымдағы жылдың  8 – 12 сәуір күндері аралығында Павлодар облысы Екібастұз қаласында бокстан 2010 – 2011 жылдары туылған кіші жасөспірім қыздар арасында Қазақстан Республикасының чемпионаты өтті.
Аталған чемпионатта 35 кг салмақ дәрежесі бойынша №19 Арал ауданының олимпиадалық резервтің мамандандырылған балалар - жасөспірімдер мектебінің спортшысы Оразбекқызы Дана жарыс жеңімпазы болды.
Осылайша әйелдер боксынан Арал ауданынан шыққан тұңғыш чемпион атанды. Оразбекқызы Дана Арал қаласындағы №83 орта мектептің 7 «А» сынып оқушысы. Бокс спортымен 2020 жылдан бастап шұғылданады. Бапкері - №19 Арал ауданының ОРМБЖ мектебінің бокс бөлімшесінің жаттықтырушысы Мыңжасаров Мақсат.

"Толқын" ақпарат
13 сәуір 2024 ж. 1 506 0