Толқын Арал аудандық қоғамдық-саяси газет
» » БЭЙЛДІҢ «РЕАЛ» ОЙЫНШЫЛАРЫМЕН ҚАРЫМ-ҚАТЫНАСЫ НАШАРЛАП КЕТТІ

БЭЙЛДІҢ «РЕАЛ» ОЙЫНШЫЛАРЫМЕН ҚАРЫМ-ҚАТЫНАСЫ НАШАРЛАП КЕТТІ

Мадридтік «Реалдың» жартылай қорғаушысы Гарет Бэйлдің командадағы әріптестерімен қарым-қатынасы соншалықты жақсы емес. Соңғы Эль-Классикодан кейін оның достық байланысы одан әрі нашарлай түскен. Испаниялық әйгілі Marca басылымының жазуынша, «Реал» футболшылары Бэйлдің негізгі құрамда алаңға шығуына таңғалыс білдірген. Ал бас бапкер Солари ойыншыны 61 минутта ауыстырғаннан кейін, Бэйл біраз уақыт қосалқы құрам скамейкасында отырып, сосын киімін ауыстырып, кездесудің аяқталуын күтпей-ақ үйіне кетіп қалған. Сенімді дерек көздер мәліметі бойынша, Бэйлдің командадағы ойыншылармен түсіністігі жоғары деңгейде емес. Айтарлықтай алауыздық болмаса да соншалықты бейбіт қарым-қатынас жоқ секілді.
СҰХБАТ: БЭЙЛ ИСПАНИЯДАҒЫ ӨМІРІ, ЗИДАНМЕН ҚАРЫМ-ҚАТЫНАСЫ, РОНАЛДУДЫҢ КЕТУІ ЖӘНЕ АПЛ-ДЫҢ АРТЫҚШЫЛЫҒЫ ЖАЙЫНДА Футболшының соңғы екі ойындағы әрекеті жанкүйерлердің көңілінен шықпаған. Соңғы матчта ол «Барселона» қорғаушысы Хорди Альбаның адымын аштырмауға жауапты болған. Алайда Бэйлдің тым сылбыр ойыны каталониялық команданың өткір шабуылдарының өрістеп кетуіне себепші бола берді. Осының әсерінен «Сантьяго Бернабеудегі» жанкүйерлер де жартылай қорғаушыға реніш танытып, қайта-қайта ысқырумен болды. Ал Бэйл алаңнан кетіп бара жатқан кезде ысқырық тым үдей түскен.
Оның позициясында Жуниор Винисиус жақсы ойын көрсетіп жүр. Соңғы екі «Эль-Классикодағы» жас бразилиялықтың қарымды ойыны, бірнеше мығым соққысы оның Бэйлмен бәсекелестікте жоғары тұра алатынын байқатқандай. Осы себепті де жазда «Реал» басшылығы Бэйлді трансферге қоюды жоспарлап отырған көрінеді. «РЕАЛДЫҢ» БҰРЫНҒЫ БАПКЕРІ БЭЙЛДІ ИСПАН ТІЛІН ҮЙРЕНУГЕ ШАҚЫРДЫ (ВИДЕО) Ал Бэйл болса өзінің орнына алаңға Лукас Васкестің жиі шығатынына наразы екен. Еске салсақ, футболшы биыл Испания чемпионатында 21 ойынға қатысып, 7 гол соғып, 2 нәтижелі пас берген. Оның «Реалмен» келісімшарты 2022 жылға дейін жарамды.
Абай Қазбекұлы.
aikyn.kz
04 наурыз 2019 ж. 418 0