Жапондық жаттықтырушылар жас спортшыларға оқу-жаттығу сабағын өткізді

Kyzylorda-news.kz Облыстық дене шынықтыру, спорт және туризм басқармасы және Қызылорда облысының дзюдо федерациясының ұйымдастыруымен Жапония және Моңғолия мемлекетінен арнайы келген жаттықтыршылар Кондо Такеки, Бақыт Одынайұлы, Давааням Алтангэрэл жас спортшыларға оқу-жаттығу сабақтарын өткізуге Қызылорда қаласына арнайы келді.

Ең алдымен олар қаладағы №1 облыстық олимпиадалық резервтің мамандандырылған балалар-жасөспірімдер мектебіне барып, жас дзюдошылармен кездесті. Одан кейін спортшылармен бірге оқу-жаттығу сабақтарын өткізіп, олардың шеберлігін шыңдау мақсатында негізгі әдіс-тәсілдерді үйретті.

Оқу-жаттығу сабағы соңында спортшылар шетелдік жаттықтырушыларға өз алғыстарын білдірді. Сондай-ақ, спорт мектебі атынан жапондық жаттықтырушы Кондо Такекиға естелік сыйлық табысталды.

Айта кетейік, оқу-жаттығу сабақтары ертең №5 облыстық олимпиадалық резервтің мамандандырылған балалар-жасөспірімдер мектебі мен Жалаңтөс Баһадүр Сейтқұлұлы атындағы олимпиадалық резервтің облыстық мамандандырылған мектеп интернат колледжінде жалғасатын болады.

_{Фото: Қызылорда облысының дене шынықтыру, спорт және туризм басқармасы}