Жиырма жасында жарқ еткен жұлдыз – Бекзат
Бүгін қазақ халқының мақтанышы, спорт тарихында есімі алтын әріппен жазылған боксшы Бекзат Саттархановтың туған күні.
Ол 1980 жылы 4 сәуірде Түркістан қаласында дүниеге келген. Жастайынан спортқа бейім болып, 17 жасынан бастап бокс рингінде көзге түсе бастады.
2000 жылы Сиднейде өткен XXVII жазғы Олимпиада ойындарында 57 келі салмақ дәрежесінде өнер көрсетіп, Қазақстан қоржынына алтын медаль салды.
Сидней Олимпиадасында Бекзат бірнеше қиын қарсыласты жеңіп шықты, соның ішінде Румыния, ОАР және Түркия спортшыларымен болған кездесулері ерекше есте қалды. Олимпиадада Бекзаттың техникалық шеберлігі, батылдығы мен сабырлылығы әлемдік мамандардың жоғары бағасына ие болды. Жарқын болашағы бар спортшы болғанымен, өкінішке қарай, ол сол жылы 31 желтоқсанда көлік апатынан қайтыс болды. Бұл оқиға бүкіл ел үшін ауыр қайғы болды.
Фото: baq.kz
