Әлемдік додада топ жарған қазақстандық былғары доп шеберлері

Биыл 4-14 қыркүйек аралығында Ұлыбритания мемлекетінің Ливерпуль қаласында өткен бокстан Әлем чемпионатында Қазақстанның ұлттық құрамасы 7 алтын, 1 күміс және 2 қола медаль қанжығалап, командалық есепте 1-орын иеленді.

Атап айтқанда, Санжар Тәшкенбай, Махмұд Сабырхан, Алуа Балқыбекова, Аида Әбікеева, Төрехан Сабырхан, Наталья Богданова және Айбек Оралбай алтыннан алқа тақты. Өз кезегінде, Назым Қызайбай күміс медаль иеленсе, Виктория Графеева мен Елдана Тәліпова ел қоржынын қола медальмен толықтырды.

Шаршы алаңда ел намысын қорғап, халық үмітін ақтаған спортшыларымыз жеңістен-жеңіске жете берсін!

Қызылорда облысының Өңірлік коммуникациялар қызметі