Футболдан Қазақстан құрамасы УЕФА-дағы рекордын қайталады
2019 жылдың 11 маусымында "Астана Арена" стадионында өткен футбол матчында Сан-Мариноны 4:0 есебімен айқын басымдықпен жеңген Қазақстанның Ұлттық құрамасы УЕФА ресми ойындарындағы нәтижелі рекордын қайталады, Бұған дейін 2018 жылы 16 қазан күні біздің футболшылар Ұлттар лигасы аясындағы матчта Андорра командасын 4:0 есебімен жеңіп, осындай жетістікке қол жеткізген болатын. Нәтижесінде, аталмыш екі жеңіс қазақстандық футбол ұйымының УЕФА ресми турнирларындағы (2002 жылдан бастап) ең үлкен жетістігі болып тұр. Ең қызығы, осыдан 22 жыл бұрын, 1997 жылдың 11 маусымында Қазақстанның Ұлттық құрамасы сол кезде АФК (Азия Футбол Конфедерациясы) Лахордағы ойынында Пәкістанды 7:0 еебімен ойсырата жеңіп, ең үлкен нәтижеге қол жеткізген. Дәл осы жеңіс әлі күнге дейін біздің құраманың ауыз толтырып айтатын ең ауқымды жетістігі. Еске салайық, 21 наурыз күні Қазақстан құрамасы Шотландияны 3:0 есебімен жеңіп кеткен еді.
