АРАЛДА ГРЕК-РИМ КҮРЕСІНЕН РЕСПУБЛИКАЛЫҚ ТУРНИР БАСТАУ АЛДЫ
Бүгін N19Арал ОРМБЖ мектебінің спорт залында аудандық дене шынықтыру және спорт бөлімінің ұйымдастыруымен грек-рим күресінен 2004-2006 жылы туылған жасөспірімдер арасында, акробатикадан қазақ жастары арасынан шыққан тұңғыш КСРО спорт шебері Дәри Əбуұлы Құттымұратовты еске алуға арналған республикалық турнир басталды.Республикалық турнирдің ашылу салтанатына аудан әкімі М.Оразбаев арнайы қатысып, палуандарға сәттілік тіледі.
Атап өту керек, жарысқа Атырау, Ақтөбе, Оңтүстік Қазақстан облыстары,Түлкібас ауданы, Қызылорда қаласы жəне Қазалы ауданынан қатысушы 10 команда, құрамында 150 спортшы бақ сынасуда.
Жарыс ағымдағы жылдың 28 наурызы күні қорытындыланатын болады.
