ҚҰРЫЛЫС ЖҰМЫСТАРЫ ҚАРҚЫНДЫ

Өткен жылы 19741 шаршы метрді құрайтын 167 жеке тұрғын үй пайдалануға берілді. Құрылыс саласында барлығы 1,9 млрд. теңгені құрайтын 9 жоба іске асырылуда. Соның ішінде, Арал қаласынан қатты тұрмыстық қалдықтарына арналған полигон құрылысы, 250 орындық оқушылар үйінің құрылысы, Сексеуіл кентіндегі 40 төсектік аурухана құрылысы 2020 жылға өтпелі болса, Сексеуіл кентіндегі № 231 орта мектепке қосымша 100 орындық оқу корпусының құрылысы, Шижаға елді мекенінен жаңадан бой көтерген мәдениет үйінің құрылысы және Сексеуіл кенті мен Сазды елді мекендеріндегі биотермиялық шұңқырлардың құрылыс-монтаж жұмыстары толығымен аяқталып, пайдалануға берілді.
Сонымен қатар, мемлекеттік - жекешелік әріптестік арқылы Арал қаласынан «Құқықтық қызмет көрсету орталығы», сондай-ақ, Сазды, Шөмішкөл, Қосаман елді мекендерінен медициналық бекеттер салынып, ел игілігіне берілді. Сондай-ақ, №83 орта мектебінің қосымша құрылысына және №13 орта мектебіне ағымдағы жөндеу жүргізілді.