Құрметті аралдықтар! Ардақты ағайын!

Ғасырлар жылнамасында тағы бір жыл тарих қойнауында қалды. Өтіп бара жатқан тауық жылы еліміз үшін айтулы оқиғалар мен ауқымды істерге толы мерейлі жыл болды. Еліміз Біріккен Ұлттар Ұйымы Қауіпсіздік кеңесінің тұрақты емес мүшесі ретінде қызметін бастады. Жаһан жұртшылығының назарын аударған «ЭКСПО-2017» халықаралық көрмесінің табысты өткені баршамызға мәлім. Сонымен қатар, Алматыда дүниежүзілік Қысқы универсиаданың алауы жағылды. Астанада Ислам ынтымақтастық ұйымының саммиті өтті. Мұндай дүние жүзі көз тіккен маңызды шаралардың елімізде өтуі-біз үшін зор абырой, әрі үлкен жауапкершілік. Тұңғыш Президентіміз Нұрсұлтан Әбішұлы Назарбаевтың басшылығымен рухани жаңғыруға бет алған Ұлы Дала елі ұлан-ғайыр істерді атқарды.

Табалдырығымыздан аттағалы отырған 2018 жылы қазақстандықтардың ел болып еңсерер белестері мен жұрт болып жұмылар істері ауқымды. Қымбатты жерлестер!

Жаңа жыл тың бастамалар мен жоспарлардың кезеңі. Әр адамның өз арман-тілектерін, сенімін еселеп, болашағына үлкен үміт артатын шақ. Барша халық асыға күтетін осы мерекеде әр шаңыраққа ырыс пен ынтымақ ұялап, бақ-береке дарысын деп тілеймін. Айдан аман, жылдан есен болып, еліміздің өрісі кеңейіп, табысы таси берсін! Жаңа жыл құтты болсын!