Толқын Арал аудандық қоғамдық-саяси газет
» » Жер мәселесі назарға алынды

Жер мәселесі назарға алынды

Апта басында «Ақмешіт – адалдық алаңы» жобалық кеңсесі аясында мемлекеттік қызметкерлермен еркін форматтағы басқосу өтті. Басқосуда аудан әкімі аппаратының басшысы, әдеп жөніндегі уәкіл Н.Бохаев Арал қаласы әкімі аппаратының ұжымы мен мемлекеттік қызметкерлер арасындағы бірқатар мәселелерді ортаға салды. Мемлекеттік қызметкерлердің әдеп нормаларын сақтауы, сыбайлас жемқорлықты болдырмау және жер саласының кейбір мәселелері туралы сөз қозғалды.
Еркін форматта өткен кездесуде Н.Бохаев мемлекеттік қызметшілердің оң имиджін қалыптастыруға ықпал етуге бағытталып енгізілген әдеп жөніндегі уәкілдер институтының мақсаты мен арнайы бекітілген ережесіне тоқталды. Сонымен қатар сыбайлас жемқорлыққа қарсы іс-қимыл заңнамасының және қызметтік әдеп нормалары талаптарының сақталуы бағытында азаматтарды қабылдайтынын және кеңес беру телефоны жұмыс істейтінін айтып өтті.
Өткен жылы жер саласында бірқатар құқық бұзушылықтар мен тұрғындар тарапынан наразылықтар мен ұсыныстардың түсуі жиі орын алған. Алдағы уақытта аталған кемшіліктерді болдырмау және тиісті шаралар қабылдау мақсатында әдеп жөніндегі уәкіл жер учаскесін немесе жер учаскесін жалдау құқығын сату жөніндегі сауда-саттықты (конкурстарды, аукциондарды) өткізу тәртібі мен электрондық түрде ұйымдастыру және өткізу қағидаларының талаптарын түсіндірді.
Жиынға қатысушылар да жер мәселесіне байланысты өздерінің ой-пікірлерін ортаға салып, толғандырған сауалына тұшымды жауап алды.
15 наурыз 2020 ж. 96 0