Аудан тұрғындарының назарына!
Қазіргі таңда короновирус инфекциясы әлемнің бірнеше мемлекетінде таралуда. Ресми ақпараттарға сәйкес елімізде COVID-2019 инфекциясын жұқтырғандар саны күн сайын артып келеді. Бүгін Қызылорда облысында аталған індетке шалдыққан 1 азамат тіркелді.Қауіпсіздікті сақтау үшін әрбір тұрғын жеке бас гигиенасына баса назар аударып, медициналық масқа тағып, антисептикалық құрылғыларды жиі пайдалануы қажет. Сондай-ақ, адам көп жиналатын отбасылық жиын-тойларды кейінге шегеріп, уақыттың басым бөлігін үйде өткізіп, көпшілік орындарға бармаған жөн.Инфекция жұқтырғандар анықталған аймақтардан келіп, өзін жайсыз сезінген тұрғындар болса шұғыл түрде аймақтық дәрігерге қаралуы немесе жедел-жәрдем қызметіне жүгіну қажеттігін назарларыңызға саламыз..Короновирус індетінің таралуының алдын алуда зор жауапкершілік танытып, енгізілген шектеулер мен талаптарды қатаң сақтауға шақырамыз. Бұл баршамызға ортақ міндет!
Есте сақтаңыз: короновирус туралы жалған ақпарат таратқандар қылмыстық жазаға тартылады.
