ДЕСТРУКТИВТІ ДІНИ АҒЫМ МҮШЕЛЕРІН АНЫҚТАУ БАҒЫТЫНДА КЕЗДЕСУ ӨТТІ

Кеше Арал ауданында ағымдағы жылдың 20 наурызда облыс әкімінің төрағалығымен өткен терроризмге қарсы күрес отырысында берілген тапсырмаға сәйкес, учаскелік полиция инспекторларына «Деструктивті діни ағым мүшелерін анықтау алгоритмі» тақырыбында оқыту семинары болып өтті.

Бұл кездесуге облыстық ішкі саясат басқармасы, облыстық жастар саясаты басқармасы, ОІІД жергілікті полиция қызметі, ОІІД экстремизмге қарсы күрес басқармасы тарапынан қызметкерлер қатысып, түсіндірме жұмыстарын жүргізді. 
Атап айтқанда, облыстық ішкі саясат басқармасының діни бірлестіктермен жұмыс жасау бөлімінің басшысы Ерсұлтан Есов «Деструктивті діни ағым мүшелерін анықтау алгоритмі» тақырыбында баяндама жасап, деструктивті діни ағым мүшелерін анықтау жолдары, олармен қалай жұмыс жасалу керектігі жөнінде учаскелік полиция инспекторларына бағыт-бағдар берді. Басқосуда жиынға қатысушылар баяндамашыға сауалдарын қойып, көтерілген мәселелер төңірегінде қажетті мағлұматтар алды.

facebook Арал ауданы