«ХАЛЫҚ АЛҒЫСЫ» МЕДАЛІ ТАБЫСТАЛДЫ

Аудан әкімі Мұхтар Оразбаев Қазақстанның еңбек сіңірген қайраткері, «Құрмет» орденінің иегері, Арал ауданының құрметті азаматы, күйші-композитор, ақын-жырау Мұрат Сыдықовты қабылдап, «Халық алғысы» медалін табыс етті.Кездесу барысында аудан басшысы Сыр дүлдүлдерінен сусындап өскен белгілі композитордың ауданның мәдениет саласының дамуына қосқан елеулі үлесіне тоқталып, сырға толы әндері мен күй-толғаулары жастарымыз үшін тағылымы мол өнеге екендігін айтып өтті. Сондай-ақ, алдағы уақытта шығармашылық табыс пен зор денсаулық, отбасына амандық тіледі.
Мұрат Сыдықов әлемді жайлаған пандемияның кең таралған кезеңінде елге жанашырлық танытып, үнемі тұрғындарды қауіпсіздік шараларын сақтауға шақырып, өзінің арнау өлеңін жолдаған болатын.
Аудан әкімдігінің баспасөз қызметі.