Орманы бардың қорғаны бар
Орман – адамзатқа қорған болған табиғат-ананың құрамдас бір бөлігі. Әсіресе экологиялық ахуал ушыққан аумақта орманның көп болуы тікелей денсаулықтың кепілі болып қала бермек. Қазіргі уақытта Арал өңірін экологиялық сауықтыру мақсатында құрғаған теңіз ұлтанына фитомелиоративтік жұмыстар үздіксіз жүргізіліп келеді. Арал орман және жануарлар дүниесін қорғау жөніндегі мемлекеттік мекемесі сонау 1990 жылдардан бастап осы жұмыстармен тікелей айналысып келеді.Мекемеде штаттық кестеге сәйкес 55 адам қызмет атқарады. Оның ішінде 31 адам орман қүзеті қызметкерлері. Олардың арасында К.Байназаров, А.Толеев, Б.Қойбағаров, А.Серікбай, Б.Жүсіпов және Ғ.Смағұлов сынды қызметкерлердің еңбектері ерекше. Қазіргі таңда аудан көлеміндегі мемлекеттік орман қоры – 574160 гектар, оның ішінде орманды жерлер 504581 гектарды құрайды. Орман – теңдесі жоқ экономикалық және экологиялық қорымыз. Мекемеге қарасты орман қоры жерлері негізінен Арал теңізінің құрғаған ұлтанында орналасқандықтан, ұлтанды ормандандыру жұмыстары мен молықтыру және жануарлар дүниесін қорғау жұмыстары да қатар жүргізіліп келеді.
Жыл сайынғы жоспарлы екпе жұмыстарына қосымша «Ормандарды сақтау және республиканың орманды жерлерін көбейту» жобасы аясында 2008-2014 жылдары 56670 гектарға, «Қазақстанның биосаналуандығын сақтау қоры» арқылы «Арал теңізінің құрғаған ұлтанына фитоорманмелиорация жұмыстарын жүргізу» жобасы аясында 2018-2020 жылдары 10000 гектарға сексеуіл белдеулері жасалды. Бұл екпелер жерсініп, тұқым арқылы көбейіп, теңіз ұлтанындағы көшпелі құмдарды тоқтатуға септігін тигізіп, тұзды желдің әсерін бәсендетуге тосқауыл болуда. Сонымен қатар мекеменің тұқымбағында әртүрлі саялы ағаш көшеттері өсіріледі. Жыл сайын көктемгі көгалдандыру шарасы барысында ауылдық округтерге, мекемелерге, тұрғындарға мыңдаған саялы ағаш көшеттері босатылады.
ҚР Президенті Қасым-Жомарт Тоқаевтың биылғы халыққа Жолдауында:
– Қоршаған ортаны қорғау және экологиялық даму – еліміз үшін алдыңғы кезекте тұрған мәселе. Бүкіл өркениетті әлем жұртшылығы осы мәселемен айналысуда. Бізге де мұндай жаппай үрдістен шет қалуға болмайды. Бірқатар қордаланған проблемаларды шешуге жол ашатын жаңа Экологиялық кодекстің жобасы әзірленді. Парламенттің бұл маңызды құжатты жыл аяғына дейін қарап, қабылдауын сұраймын. Үкіметке экологиялық ахуалды жақсарту жөніндегі шараларды нақты жүзеге асыруға кірісуді тапсырамын. Биологиялық әркелкілікті сақтау және тиімді пайдалану жөніндегі ұзақ мерзімді жоспарларды бекіткен жөн. Бес жыл ішінде орман алқабында 2 миллиард, елді мекендерде 15 миллион ағаш отырғызылатын болады. Бұл еліміздегі көгалдандыру ауқымын кеңейтуге септігін тигізеді, – деген болатын.
Мемлекет басшысының тапсырмасын іске асыруға үлес қосу мақсатында тұқымбақтағы сеппе бөлімін 10 гектарға дейін ұлғайтуды жоспарлап отырмыз. Бұл өз кезегінде Арал теңізінің құрғаған ұлтанындағы сексеуіл белдеулерінің көбеюіне септігін тигізері анық. Орманшылардың кәсіби мерекесі қарсаңында орман шаруашылығы саласының алдындағы міндеттерді орындауда барлық ұжым мүшелері белсенді атсалысатындығына сенімдіміз.
Жыл сайынғы жоспарлы екпе жұмыстарына қосымша «Ормандарды сақтау және республиканың орманды жерлерін көбейту» жобасы аясында 2008-2014 жылдары 56670 гектарға, «Қазақстанның биосаналуандығын сақтау қоры» арқылы «Арал теңізінің құрғаған ұлтанына фитоорманмелиорация жұмыстарын жүргізу» жобасы аясында 2018-2020 жылдары 10000 гектарға сексеуіл белдеулері жасалды. Бұл екпелер жерсініп, тұқым арқылы көбейіп, теңіз ұлтанындағы көшпелі құмдарды тоқтатуға септігін тигізіп, тұзды желдің әсерін бәсендетуге тосқауыл болуда. Сонымен қатар мекеменің тұқымбағында әртүрлі саялы ағаш көшеттері өсіріледі. Жыл сайын көктемгі көгалдандыру шарасы барысында ауылдық округтерге, мекемелерге, тұрғындарға мыңдаған саялы ағаш көшеттері босатылады.
ҚР Президенті Қасым-Жомарт Тоқаевтың биылғы халыққа Жолдауында:
– Қоршаған ортаны қорғау және экологиялық даму – еліміз үшін алдыңғы кезекте тұрған мәселе. Бүкіл өркениетті әлем жұртшылығы осы мәселемен айналысуда. Бізге де мұндай жаппай үрдістен шет қалуға болмайды. Бірқатар қордаланған проблемаларды шешуге жол ашатын жаңа Экологиялық кодекстің жобасы әзірленді. Парламенттің бұл маңызды құжатты жыл аяғына дейін қарап, қабылдауын сұраймын. Үкіметке экологиялық ахуалды жақсарту жөніндегі шараларды нақты жүзеге асыруға кірісуді тапсырамын. Биологиялық әркелкілікті сақтау және тиімді пайдалану жөніндегі ұзақ мерзімді жоспарларды бекіткен жөн. Бес жыл ішінде орман алқабында 2 миллиард, елді мекендерде 15 миллион ағаш отырғызылатын болады. Бұл еліміздегі көгалдандыру ауқымын кеңейтуге септігін тигізеді, – деген болатын.
Мемлекет басшысының тапсырмасын іске асыруға үлес қосу мақсатында тұқымбақтағы сеппе бөлімін 10 гектарға дейін ұлғайтуды жоспарлап отырмыз. Бұл өз кезегінде Арал теңізінің құрғаған ұлтанындағы сексеуіл белдеулерінің көбеюіне септігін тигізері анық. Орманшылардың кәсіби мерекесі қарсаңында орман шаруашылығы саласының алдындағы міндеттерді орындауда барлық ұжым мүшелері белсенді атсалысатындығына сенімдіміз.
Т. Емекешов,
«Арал орман және жануарлар дүниесін қорғау жөніндегі мемлекеттік мекемесі» КММ-нің директоры
«Арал орман және жануарлар дүниесін қорғау жөніндегі мемлекеттік мекемесі» КММ-нің директоры
