Толқын Арал аудандық қоғамдық-саяси газет
» » АРАЛДА БАСКЕТБОЛДАН А.ЖАННАЗАРОВТЫ ЕСКЕ АЛУҒА АРНАЛҒАН ТУРНИР БАСТАУ АЛДЫ

АРАЛДА БАСКЕТБОЛДАН А.ЖАННАЗАРОВТЫ ЕСКЕ АЛУҒА АРНАЛҒАН ТУРНИР БАСТАУ АЛДЫ

Бүгін аудан әкімдігінің қолдауымен белгілі спорт майталманы, жаттықтырушы, Арал өңірі спортшыларын тәрбиелеуде өзіндік сара жолын қалдырған белгілі бапкер Алмас Нұрқожаұлы Жанназаровты еске алуға арналған баскетболдан қала аралық турнирдің ашылу салтанаты өтті.Турнирдің ашылу салтанатында сөз алған аудан әкімінің орынбасары Е.Әбішев «Өздеріңізге мәлім, Елбасымыз жыл сайынғы дәстүрлі Жолдауында ұлт денсаулығына жете мән беріп, көпшілікті дене шынықтыру мен спортқа шақыруы арқылы ел халқының 30 пайызын спортқа жұмылдыру межесін қойған болатын. Осы орайда, Мемлекет басшысы «Елімізде «Дені сау ұлт» үшін инфрақұрылымын дамытудың маңызы жоғары. Балалық шақтан бастап денешынықтыру мен спорттық даярлыққа және оған ең қолайлы мүмкіндіктер туғызуға ерекше ден қойылуы керек» - деп ерекше атап көрсетті»-деп ерекше атап көрсетті. Осыған орай, аудан азаматтары спорттың әр саласында айтарлықтай өнер көрсетіп, еліміздің атын шығарып, жеңіске жетуде» деп, жарысқа қатысушы командаларға сәттілік пен жеңіс тіледі.
Сонымен қатар, А.Жанназаровтың жары Бекзия Қосанова белгілі спортшының естеліктерімен бөлісіп, ақжарма лебізін білдірді.
Биыл ауданымызда баскетболдан XIV-ші мәрте өткізіліп жатқан спортшы, жаттықтырушы Жанназаров Алмас Нұрқожаұлын еске алуға арналған турнирге қатысу үшін облысымыз бен Ақтөбе қаласынан 10 команда, құрамында 100 ересек спортшылар қатысуда. Спорт додасының қорытындысы ағымдағы жылдың 28 сәуірі күні белгілі болады.
26 сәуір 2018 ж. 601 0