Арал ауданы: эпидемиологиялық ахуал күрделенуде

Әлем бойынша қазіргі таңда коронавирус инфекциясы қайта өршіп, елде шектеу шаралары күшейтілуде. Қызылорда облысы «сары» аймаққа өтіп, соңғы күндері ауру көрсеткіші өршуде. Арал ауданында да ауру жиі тіркеле бастады, күн сайынғы вирус жұқтырушылардың саны артып келіп, эпидемиологиялық ахуал күрделене түсуде.

– Қазіргі таңда коронавирус инфекциясынан қорғанудың сенімді жолы – бұл коронавируске қарсы егілу-қоғамдық, ұжымдық иммунитеттерді қалыптастыру. Бүгінгі күнге дейін  аудан бойынша 1110 доза вакцина келді, 430 адам егілді, егу шаралары әлі де жалғасуда. Сондықтан аудан тұрғындарын коронавирусқа қарсы егу шарасын алуға шақырамыз. Бұл – індетке қарсы тұрудың бірден-бір амалы. Себебі, ауданда бүгінгі күнге дейін 57 науқас тіркелді. Сақтық шараларын сақтағанымыз жөн, – дейді Арал ауданының бас мемлекеттік санитариялық дәрігері А.Сатекеева.

"Толқын" ақпарат