Толқын Арал аудандық қоғамдық-саяси газет
» » АРАЛДА ҰБТ ҚАЛАЙ ҚОРЫТЫНДЫЛАНДЫ

АРАЛДА ҰБТ ҚАЛАЙ ҚОРЫТЫНДЫЛАНДЫ

2018 жылдың 22 маусымы күні Арал ауданы бойынша Ұлттық бірыңғай тестілеу өткізілді. ҰБТ қатысуға 454 оқушы өтінім берген болса, 451-і қатысты, 3-еуі өз еріктерімен қатыспады. 38 оқушы (17 мектептен) шығармашылық бойынша қазақстан тарихы мен оқу сауаттылығынан тапсырды. Олардың орташа балы – 30,97 балл (77,5 пайызды) құрады.Облыс бойынша ең жоғары көрсеткіш Қызылорда қаласы – 90,9 балл жинаса, онан кейінгі орындарды Жалағаш (87,4 балл) және Арал аудандары (85,19 балл) бөлісті. Ауданның орташа балы (шығармашылықты алып тастағанда 413 оқушы) – 85,19 балл, Қазақстан тарихы орташа балы – 13,05 балл, математикалық сауаттылық – 11,42 балл, оқу сауаттылығы – 16,37 балл, бірінші бейіндік пән – 23,44 балл, екінші бейіндік пән – 20,91 балл құрап отыр.
ҰБТ-ге 36 «Алтын белгі» иегері мен 17 «Үздік аттестат» иегері қатысты. Ең жоғары балл 131 баллды №262 мектеп-гимназия оқушысы Қаппарова Айнұр жинады.
100 және 100 балдан жоғары жинаған оқушылар саны – 90 оқушы (20 пайызы). Шекті балдан төмен жинағандар – 11 оқушы (2,44 пайыз).
АРАЛ АУДАНДЫҚ БІЛІМ БӨЛІМІ
25 маусым 2018 ж. 1 035 0