Мемлекеттік қызмет – маңызды міндет

Қазақстан Республикасында мемлекеттік қызметтерді көрсетудің басты қағидаттары ретінде қандай да бір кемсітусіз мемлекеттік қызметтерді алу; мемлекеттік қызмет көрсету процесін үнемі жетілдіру және қызмет алушылардың шығындарын барынша азайтумен олардың сапасын арттыру; халықты мемлекеттік қызмет көрсету тәртібі туралы ақпаратқа толық қол жеткізуін қамтамасыз ету, сондай-ақ қызмет алушылардың стандарттарды әзірлеуге қатысуы болып табылады.Мемлекеттік қызметтерді көрсету - бұл мемлекет пен қоғамның өзара іс-қимылының негізгі құрамдас бөліктерінің бірі. Көрсетілген мемлекеттік қызметтің сапасын бағалай отырып, азамат мемлекеттік орган мен жалпы билік жұмысының сапасын бағалайды.

Осылайша, мемлекеттік қызметтерді көрсету сапасын жақсарту арқылы өзекті проблемаларды шеше отырып, мемлекет азаматтардың сенім деңгейін айтарлықтай арттыруға қабілетті болып және сыбайлас жемқорлық тәуекелдерін азайтады.

Мергенсай ауылдық округі әкімі аппаратында халықты ақпараттандыру үшін көрнекі жерге стандарттар мен регламенттер жазылған стенд ілінген. 2020 жылы мемлекеттік қызмет көрсетуде мерзімдері бұзылған және азаматтардан арыз-шағымдар түскен жоқ.

Алдағы уақытта да ауылдық округ әкімі аппаратының қызметкерлері мемлекеттік қызмет көрсету сапасын арттыруды басты назарға алып жұмыс жасайды.

Қ. САРАЖОВ,

Мергенсай ауылдық округі  әкімі аппаратының бас маманы