Қарақұм ауылдық округі Абай ауылында ең жас сайлаушы ретінде тіркелген Ізбасарова Рәсима №1 сайлау учаскесіне барып, өз таңдауын жасады.-«Еліміз үшін бүгінгі сайлаудың маңызы зор. Мен өз туған ауылымның келешегі кемел болғанын қалаймын. Бұл сайлауда ауылдық округ әкіміне үміткер ретінде 2 азамат ниет білдірген. Тұңғыш рет қатысқан сайлауымда туған ауылымның болашағы үшін таңдау жасағаныма қуаныштымын. Ауыл халқының таңдауымен жеңіске жеткен әкім өңірімізді өркендету үшін жұмыс жасайтынына сенемін.»- дейді саяси науқанда алғаш дауыс берген жас сайлаушы.