Сыр өңіріндегі сайлауға келушілер белсенді
Мемлекет Басшысы Қасым-Жомарт Кемелұлы Тоқаевтың бастамасымен ауылдық округ әкімдерінің ашық сайлауын өткізу – демократиялық жолмен өркендеуінің бір көрінісі.
Бүгін Қызылорда облысының Аққұм және Талаптан ауылдық округтерінде сайлау өткізілуде. Жалпы 2 сайлау округінде 3527 сайлаушы болса, саяси үдерістің заңға сәйкес өтуін 20 байқаушы бақылап отыр.
Сайлау комиссияларының ұсынған деректеріне сәйкес бүгінгі сағат 16.00-дегі жағдай бойынша сайлаушылардың жалпы санының 61,0 % дауыс берген.
Оның ішінде:
Арал ауданы, Аққұм ауылдық округінде – 40,5 %.
Шиелі ауданы, Талаптан ауылдық округінде – 72,8 %.
Дауыс беру барлық учаскелерде Конституциялық заңға сәйкес өтуде, құқық бұзушылықтар анықталған жоқ, арыз-шағымдар түскен жоқ.
Айта кету қажет, осыған дейін Қызылорда облысында тікелей сайлау арқылы 40 ауылдық округ әкімдері сайланған болатын. Сайлау процесінің ашық және заңға сәйкес өтуін бақылау үшін облыстағы саяси партиялар, азаматтық қоғам институттарынан 600-ден астам байқаушылар жұмыс жасады.
