ПРОАКТИВТІК ҚЫЗМЕТТІ ТАҢДА

  «Азаматтарға арналған үкімет» мемлекеттік корпорациясы коммерциялық емес акционерлік қоғамының Қызылорда облысы филиалы Халыққа қызмет көрсету бойынша Арал аудандық бөлімінің «Проактивтік өмірді таңда» атты республикалық  акция кеңінен насихаттады. Алдымен аталған мекеме қызметкерлері аудандық перзентханада болды. Мұнда болашақ аналарға және  жаңа босанған аналарға бала туу бойынша мемлекеттік қызмет түрлерін проактивті тәсілмен, яғни ХКҚО ға бармай ақ ұялы телефонмен «sms» арқылы алу жолдарына түсіндіріп,  нұсқаулық парақшалары таратты. Қолжетімді қызмет алушылар алдымен ХҚКО немесе электрондық үкімет порталындағы жеке кабинет арқылы мобильді азаматтар базасына тіркеліп, ЖСН-ін ұялы телефон нөміріне бекітіп қоюы тиіс.
Арал қаласының жас отбасы Бақытжан Орынбекұлы мен жұбайы Малика Есенжолова алғашқы нәрестесінің туу туралы куәлігін мемлекеттік проактивті қызмет түрімен рәсімдеді. Осылайша, олар мемлекеттік қызметтің осы түрінің тиімді әрі жылдам тағайындалатынана куә болды. Республикалық акция барысында бөліміміздің қызметкерлері жас отбасына туу туралы куәлігінмен қоса сый-сияпат табыс етті.
Айта кетейік, ауданымызда жыл басынан бері аталған мемлекеттік проактивті қызмет түрі бойынша 413 туу тіркелсе, 184 балабақшаға кезекке қою, 114 бір жолғы жәрдемақы және оның күтіміне байланысты 1 жасқа дейінгі жәрдемақысы тағайындалды.
 
ХҚКО-ның Арал аудандық бөлімінің баспасөз қызметі