Аудан спортшылары облыстық құрамаға енді

Ағымдағы жылдың 10-13 тамыз күндері аралығында спорттың 9 түрінен Қызылорда қаласында өткен “Ақ бидай” облыстық VII ауыл спорт ойындары спартакиадасында асық спорты “Асық ату” (ерлер) мен “Бес асық” (әйелдер) спортынан жерлестеріміз командалық есепте бас жүлдені жеңіп алды.

Ал, волейбол (әйелдер) және президенттік жазғы бессайыс жарыстары бойынша сынға түскен аудан командалары жүлделі ІІІ орындарға ие болды.

Нәтижесінде аудан спортшылары үстіміздегі жылдың қазан айында Ақтау қаласында өтетін “Ақ бидай” ауыл спорт ойындарының республикалық кезеңіне, облыс құрама командасының қатарында қатысу үшін жолдама алды.

Бұдан бөлек өз салмақтары бойынша жекелей сында бірінші орын алған өлкеміздің спорт саңлақтары облыстың аға жаттықтырушыларының тізіміне енді.