Толқын Арал аудандық қоғамдық-саяси газет
» » Қармақшыда 1000 спортшы қатысқан спартакиада мәресіне жетті

Қармақшыда 1000 спортшы қатысқан спартакиада мәресіне жетті

Қармақшы ауданында өткізілген ауыл спортшыларының XXХІІІ-ші «Алтын күз -2019» облыстық спартакиасы мәресіне жетті.
Ауылдық спортшылардың спартакиадасына айдынды Аралдан бастап Қартаудың баурайындағы Жаңақорған ауданына дейінгі ауыл спортшылары қатысты.
Спорттың 16 түрінен, атап айтқанда, футбол, баскетбол, волейбол, қол добы, қол күрес, шахмат, гір спорты, асық ату, бес тас, қазақ күресі, тоғызқұмалақ, үстел теннисі, Президенттік көпсайыс, көкпар, теңге алу, аударыспақ өткізілген шарада 1000-нан аса спортшы бақ сынады.
«Алтын күз - 2019» спартакиадасының жабылу салтанатында сөз алған аудан әкімінің орынбасары Еркебұлан Меңлібаев, Қызылорда облысының дене шынықтыру және спорт басқармасының «Бұқаралық спорт» бөлімінің басшысы Ғалым Сихымов жеңімпаздарды құттықтап, дипломдармен марапаттады.
Шара соңында ауыл спортшыларының «Алтын күз» облыстық спартакиадасының ауыспалы туын Қармақшы аудандық дене шынықтыру және спорт бөлімінің басшысы Нұрбол Мырзабаев Арал аудандық дене шынықтыру және спорт бөлімінің басшысы Толыбай Әлжановқа табыстады.
Спартакиаданың нәтижесі бойынша жалпыкомандалық есепте Қармақшы ауданының командасы бірінші орынды жеңіп алды. Екінші орынды Шиелі ауданы командасы қанжығасына байласа, үшінші орынды Сырдария ауданының командасы алды.
https://syr-media.kz/sport/12509-armashyda-1000-sportshy-atysan-spartakiada-mresne-zhett.html
07 қазан 2019 ж. 117 0