Құран хатым оқылды
Жамбыл облысы Байзақ ауданындағы адам өліміне әкеп соқтырған қайғылы оқиғаға байланысты 29 тамыз – жалпыұлттық аза тұту күніне орай Бас мүфти бастамасы негізінде бүгін Қызылорда өңірінің барлық мешіттерінде Құран хатым дұғасы жасалды. Қала, аудан және ауыл имамдары мешіттерде Құран оқып, қазаға ұшыраған марқұмдардың рухына бағыштады.Облысымыздың орталық «Ақмешіт-Сырдария» мешітінде өткен сауапты шараға облыстың бас имамы Болатбек қажы Ұласқанұлы қатысып, Құран хатым дұғасын жасады. Қасиетті Құран аяттарынан болған сауапты марқұмдардың рухына бағыштап, жапа шеккендерге сабыр, елімізге тыныштық тілеп дұға жасады.
ҚМДБ-ның Қызылорда облысы бойынша баспасөз қызметі
