Әскери қызметкерлердің жалақысын 60 пайызға арттырады
Президент-Жоғарғы Бас қолбасшы Қасым-Жомарт Тоқаев алдағы екі жылда әскери қызметкерлердің жалақысы орташа есеппен 60%-ға өсетінін айтты, деп хабарлайды zakon.kz.Бұл туралы Мемлекет басшысы Маңғыстау облысында Оймаша полигонындағы "Отпантау-2021" әскери-оқу жаттығу жиынына барған кезде айтты.
Ақшалай жәрдемақы біртіндеп өсіп жатыр. Биылдан бастап ресми жалақы 35 пайызға өсті. Алдағы екі жылда орта есеппен 60%-ға тағы өседі. Әскери қызметкерлердің барлық санаттары үшін баспана мәселесі заңнамалық деңгейде шешілді. Басқа ТМД елдерімен салыстырғанда, қазақстандық әскердің әлеуметтік пакеті бәсекеге қабілетті болып табылады. Әскери қызметкерлерді әлеуметтік қорғау әрқашан мемлекеттің басты басымдық беретін бағытының бірі болып табылады. Күшті армия - қуатты егеменді Қазақстан, - деді Қасым-Жомарт Тоқаев
