Облыстық жастар ұйымы өкілдері Арал ауданында болды

Айдынды өлкеге алғаш рет атбасын тіреген жас көшбасшылар алдымен Ә. Нұрпейісов атындағы музей-үйіне барып жазушының шығармашылығымен өміріне қатысты ақпараттар алды. Сонымен қатар жастар өкілдері аудандағы балықшылар музейіне барып арал теңізінің тарихымен танысты. Жастар өкілдері музейге барып, нағыз еңбек адамы, КСРО Балық шаруашылығының министрі болған Қ. Саржановпен жүздесті. Одан соң жастар аудандық мәдениет үйінде «Jas Otan» жастар қанатының кезекті кеңейтілген жиынын өткізді.

Жиынға қала, кент, ауылдық округтердің белсенді жастары қатысты. Жиын барысында аудандық «Jas Otan» жастар қанатының бөлімшесінің басшысы Е.Сабырбай атқарылған жұмыстар туралы баяндап, бірқатар алдағы жоспарлармен таныстырды.

Бұл түрлі бағытта ұйымдастырылған семинар-тренинг, кездесулер аудан жастарының көңілінен шықты. Облыстан келген жастар ұйымы өкілдері аудан жастарының атқарып жатқан жұмыстары жөнінде кеңінен ақпараттар алды. Осылайша жас көшбасшылар атқарылып жатқан жұмыстармен танысып, тәжірбие алмасты. Алдағы уақытта да мұндай тәжірибе алмасу жалғасын таба беретін болады.