Толқын Tolqyn.kz ақпараттық агенттігі
» » Жәрдемақының жаңа түрі

Жәрдемақының жаңа түрі

05.04.1999 жылғы №126 «Қазақстан Республикасының арнаулы мемлекеттік жәрдемақы туралы Заңына» өзгертулер мен толықтырулар енгізу туралы 12.10.2021 жылғы №67-VII Қазақстан Республикасының Заңына сәйкес 1-топ мүгедегіне күтім жасағаны үшін күтушіге жәрдемақы тағайындалып, төленеді. Осы уақытқа дейін аталған жәрдемақы тек мүгедектік себебі «бала кезінен» деп көрсетілген мүгедектерге байланысты болса, енді  мүгедектік себебіне қарамай барлық 1-топ мүгедегінің күтушісіне төленеді. Жәрдемақы мөлшері күнкөріс деңгейінің 1,4 есесі (34302х1,4=48023). 
Осыған орай 1-топ мүгедегінің күтушісі аудандық ХҚКО-да құжат қабылдануда. Құжат қабылдауда күтім жасаушының жеке куәлігі, есеп шотының 20 сандық үзіндісі, 1-топ мүгедегінің жеке куәлігі сұралады. Күтім жасаушы жүйке аурулар диспансерінде, наркологиялық есепте тұрмайтын болуы және 1-топтағы мүгедегімен бір елді-мекенді тұруы қажет. Атап өтетін жәйт жәрдемақы өтініш берген күннен тағайындалады және де аудандық жұмыспен қамту, әлеуметтік бағдарламалар және азамттық хал-актілер тіркеу бөлімінен күтушілікке төлем алып тұрған алушыға төленбейді.
Тағы бір жаңалық. Бұрын алушы мемлекеттік әлеуметтік жәрдемақының екі түрі тиесілі болғанымен тек бір ғана жәрдемақы алуға құқылы болса, жоғарыда аталған Заңға сәйкес екі түрін алуға да құқылы. Яғни асыраушысы қайтыс болған алушының асырауындағы баласы мүгедек деп танылып, тек қана мүгедектік жәрдемақы алып отырса, енді асыраушысынан айырылуына байланысты жәрдемақы да тағайындалып, төленеді.
М.Жанаев,
«Азаматтарға арналған Үкімет» МК» КЕАҚ Қызылорда облысы бойынша филиалы
әлеуметтік қамсыздандыру бойынша Арал аудандық бөлімінің басшысы
05 қараша 2021 ж. 397 0