Туризм Арал теңізіне жаңа үміт бере алады – АҚШ ғалымы

Арал теңізіне саяхат туристер үшін демалыстың тартымды түрі болуы мүмкін. Соның есебінен жақын орналасқан елді мекендер тұрғындарының жағдайын жақсартуға болады. Саяхатшыларды таяз көлдің орнында пайда болған шөл, сондай-ақ сол жерде тасталған «елес кемелері» қызықтырады. Жергілікті тұрғындар соған баса назар аударуы керек, – деп хабарлайды Kaz.tengritravel.kz тілшісі Ноттингем Трент университетінің сайтына сілтеме жасап.

Университет профессоры Майк Робинсон өз блогында шетелдік туристерді шөл далада тасталған және тот басқан кемелер қызықтыратынын жазды. Олар негізінен Қарақалпақстан автономиялық республикасының Мойнақ қаласында, Өзбекстан аумағында орналасқан.

Маман бұл жерлерге бару көптеген адамд үшін, әсіресе жас, экологиялық саналы саяхатшылар үшін міндетті тәжірибе деп санайды. Майк Робинсон туристерді қабылдап, жергілікті экономиканың дамытуға болады деп болжайды: тұру орындары, мейрамханалар, гидтер керек. Сонымен қатар, білім беру, мәдени туризм әлемдік қоғамдастықтың назарын экологиялық проблемаларға аударады.

Аралдың қазақстандық бөлігінде де борға тасталған кемелер бар. Төрт жыл бұрын мамандар оларды Қазақстан ұлттық географиялық қоғамының экспедициясы кезінде көрген. Алайда, олар металл аңшылардың олжасына айналды.

syrboyi.kz