ҮЗДІК ҰСТАЗҒА АВТОКӨЛІК ТАБЫСТАЛДЫ
Аудандағы мұғалімдер мәртебесін көтеру мақсатында аудан әкімі тарапынан биыл 5 мәрте үздіксіз пән олимпиадасы ұйымдастырылды.Биылғы оқу жылында дәстүрлі олимпиада физика пәні мұғалімдерінің арасында өткізілді. Ауданнан 63 мұғалім қатысып, II турға 13 мұғалім өткен болатын.Бүгінгі мереке қарсаңында олимпиада қорытындысы жарияланып жеңімпаз атанған және жүлдегер ұстаздар марапатталды.
Айта кетейік, пән олимпиадасының жеңімпазын жеңіл автокөлікпен қамтуға Ақтөбе өңіріндегі жерлесіміз, «Халықтың сүйіктісі» ұлттық жүлдесінің иегері, «Қыдыр ата» атымен халық арасында кеңінен танымал меценат Жанарыс Жақсылықұлы демеушілік жасады.
Жүлдегер атанған барша ұстаздарға арнайы сыйақы табыс етілді. Ал бас жүлде иеленген №14 мектеп- лицейінің физика пәнінің мұғалімі Сарсенбаева Еленаға автокөлік кілтін демеуші Жанарыс Жақсылықұлының жұбайы Алмагүл Құрмашқызы табыстады.
