Референдум – демократия құралы
Конституциялық реформаның тұжырымдамалық негіздері мен ерешеліктерін ақпараттандыру мақсатында "AMANAT" партиясы Арал аудандық филиалы штабының мүшесі, аудандық мәслихат депутаты Махамбетова Қанағат түсіндіру жұмыстарын жүргізді. Кездесу барысында, Мемлекет басшысы Қасым-Жомарт Тоқаевтың бастамасымен Ата Заңға өзгерістер мен толықтырулар енгізу жөніндегі республикалық референдум өткізудің маңыздылығына тоқталды.
- Конституцияны бүкілхалықтық дауыс беру арқылы өзгерту халықтың еркін білдіруінің айқын көрінісі болатындығын, соңғы Жолдауда Президент тың саяси реформаларды жариялап, билік институттары арасындағы конституциялық құрылымды жетілдіруге мүдделі екенін танытты, -деді, Қ.Махамбетова.
Сондай -ақ штаб мүшесі бірқатар баяндамалар жасап, алдағы референдумды өткізуді толық қолдап, аса жауапты кезеңде саяси оқиғадан тыс қалмай, референдумға бір кісідей қатысуға шақырды.
"Толқын" ақпарат
