Өресі биік өрендер
Ел Президенті Қасым-Жомарт Тоқаев 2022 жылды «Балалар жылы» деп жариялап, оларды қорғау, қолдау өскелең ұрпақтың болашағына мән беріп, жастарға зор үміт артатынын, ертеңіне жол ашу үшін барлық жағдайды жасау керектігін нақтылады. Сәйкесінше, жыл көлемінде түрлі деңгейдегі танымдық шаралар қолға алынып келеді. 1 маусым – Балалары қорғау күні қарсаңында балалардың бойындағы өнері мен талабын ұштай түсетін тағы бір сайыстың куәсі болдық. Яғни, №220 орта мектептің 1981 жылғы түлегі Айжігіт Шарапатұлы Тлепов және оның отбасы мүшелерінің бастамасымен, демеушілік қолдауымен 1 сынып оқушылары үшін мектебімізде «Балапанға + 1 қошақан» байқауы ұйымдастырылған болатын.Үш кезеңнен тұратын байқауға қатысқан оқушылар жан-жақты өнері, білімі, дарындылығымен танылып, нәтижесінде «Үздік биші» – 1 «в» А.Әбілбай, «Білімді оқушы» – 1 «а» Ә. Жадырасын, «Үздік әнші» – 1 «в» Р.Жаңбырбай, «Шебер әртіс» –1 «в» Е.Шамшадин, «Дарынды оқушы» – 1 «а» Ш.Шамай, «Талантты оқушы» – 1 «г» Д.Алпысбай, «Өнерлі оқушы» – 1 «г» С.Абат және «Жезтаңдай әнші» – 1 «г» Г.Ерланқызы сынды оқушылар түрлі аталымдар бойынша дараланды. Ал 1 «а» сынып оқушысы С.Нұртай байқау жеңімпазы атанып, демеушілер тіккен қошақанның иегері атанды. Барлық байқау қатысушыларына арнайы дипломдар және «Алақай» балалар орталығына бір күндік тегін жолдама табысталды.
Өнерлі балақайларды байқауға дайындаған сынып жетекшілері Б.Есенова, М.Үмбетова және Қ.Омароваға арнайы Алғыс хаттар табысталып, байқауға оқушылармен бірге атсалысқаны үшін алғыс білдірілді.
А. СЕРАЛИЕВА,
№220 орта мектептің қосымша білім беру педагогы
